„ქართული ოცნების“ ობიექტურობის გჯერათ თქვენ? საკუთარი თავის წინააღმდეგ მიიღებენ გადაწყვეტილებებს? რა თქმა უნდა, არა, ეს ყველაფერი ხომ ფარსია - რომელიმე საკუთარი თავის პატივისმცემელი პოლიტიკური

ძალა იტყვის, რომ მე სიტყვა-სიტყვით ვთარგმნე სხვა ქვეყნის კანონიო? - როდის უნდა დამთავრდეს ეს საბავშვო ბაღი ამ ქვეყანაში?! - ამის შესახებ „ლიბერალური აკადემიის“ თავმჯდომარემ, ლაშა ტუღუშმა „პალიტრანიუსის გადაცემა „დღის ნიუსრუმში“ „ქართული ოცნების“ მიერ ინიცირებულ საკანონმდებლო ცვლილებაზე საუბრისას განაცხადა.

როგორც ტუღუშმა აღნიშნა, „ქართული ოცნება“ ფიქრობს იმაზე, როგორ მოახრჩოს ყველა და ყველაფერი, რაც მასზე არაა დამოკიდებული“.

„ქართული ოცნების“ ობიექტურობის გჯერათ თქვენ? „ქართული ოცნება“ ობიექტურად შეაფასებს, როგორ არის ბალანსი დაცული? გადამოწმდა თუ არ გადამოწმდა [ინფორმაცია]? იყო თუ არა საზოგადოებრივი ინტერესი? ვინ ადგენს ამ საზოგადოებრივ ინტერესს? ადრე თუ მედია ადგენდა, ახლა თვითონ უნდა დასხდნენ ქურუმები და გვითხრან, რომ ეს არ იყო საზოგადოებრივი ინტერესი? რომ საზოგადოებრივი ინტერესი ის კი არაა, შენ რომ ფიქრობ და გინდოდა გამოძიება და ის, რომ გემხილებინა. საკუთარი თავის წინააღმდეგ მიიღებენ გადაწყვეტილებებს? რომ საზოგადოებრივი ინტერესიდან გამომდინარე ჩაუწერეს ვიღაცას რამე? რა თქმა უნდა, არა, ეს ყველაფერი ხომ ფარსია, სასაცილოა. სადმე გინახავთ, რომ ასე სიტყვა-სიტყვით ეთარგმნოთ [კანონი]? რომელიმე საკუთარი თავის პატივისმცემელი პოლიტიკური ძალა იტყვის, რომ მე მთლიანად, სიტყვა-სიტყვით ვთარგმნე სხვა ქვეყნის კანონიო? რა ამერიკის პრეზიდენტი კანონპროექტში, რა უნდა საერთოდ? ან კონგრესს რა უნდა? რას თამაშობენ საერთოდ? როდის უნდა დამთავრდეს ეს საბავშვო ბაღი ამ ქვეყანაში?! ეს რაღაც ისტერიას ჰგავს, რომელშიც ჩავარდნილები არიან და იმას ფიქრობენ, როგორ მოახრჩონ ყველა და ყველაფერი, რაც მათზე არაა დამოკიდებული“, - განაცხადა ტუღუშმა.

ტუღუშის თქმით, „ქართული ოცნება“ ცდილობს კონტროლი გააძლიეროს ყველაფერზე, რაც მათგან დამოუკიდებელია“.

„დიდი სიამოვნებით მივიღებდი მათთან დებატებში მონაწილეობას, მაგრამ ხანდახან ვფიქრობ, რამდენად სერიოზული იქნება ეს, იმდენ ტყუილს ამბობენ და თან არ ამთავრებენ. ყოველდღიურად ამატებენ ახალ ტყუილებს. ეს ნაწილი მიმართულია იქით, რომ კონტროლი გააძლიერონ. ბრიტანულია თუ ამერიკული, აი, ამ ვითომ მექანიზმებით ცდილობენ კონტროლი გააძლიერონ ყველაფერზე, რაც მათგან დამოუკიდებელია. წინა პარლამენტშიც მახსოვს განხილვა, წინა ჯერზეც ვითომ, ასე ზუსტად თარგმნეს. აღმოვაჩინეთ, რომ მაგის დამაბალანსირებელი ნორმები, რომლებიც FARA-ში

არსებობდა, ისინი არ თარგმნეს და ამოიღეს ყველაზე მნიშვნელოვანი, რომელიც განსხვავებებს აჩენდა მაგალითად, მათ მოკავშირესა და არა მოკავშირეს შორის. უპრინციპულესი მუხლები არ თარგმნეს და იტყუებოდნენ ვიდრე არ გადავამოწმეთ. ბატონი შალვა ძალიან სასაცილოდ გამოიყურება“, - აღნიშნა ტუღუშმა.

გარდა ამისა, ტუღუშის თქმით „ქართული ოცნების“ წევრები „ვერ იტანენ კრიტიკას, ჩაჩეხავენ დასავლურ რესურსს და [მედიას] საკუთარ, პოლიტიკურ, პარტიულ ჯიბეზე დამოკიდებულს გახდიან“.