დღეიდან, რუსთავიდან თბილისში, უნივერსიტეტის მაღლივი კორპუსის მიმართულებით, მუნიციპალური ავტობუსები იმოძრავებენ.

როგორც რუსთავის მერიაში აცხადებენ, „მარშრუტის 50% ბასლაინზე იქნება, რაც გაცილებით მარტივს გახდის სტუდენტთა გადაადგილებას“.

რუსთავის მერიის ინფორმაციით, უახლოეს პერიოდში დაინიშნება კიდევ ერთი ახალი მიმართულება, რომელიც თბილისის რკინიგზის სადგურამდე მოემსახურება რუსთაველებს. ჯამში, რუსთავიდან თბილისის მიმართულებით, მუნიციპალური ტრანსპორტი ხუთი სხვადასხვა გეზით იმოძრავებს.

მგზავრობის საფასურის გადახდა, საბარათე სისტემით – ,,რუსთავი ქარდით“, „საქართველოს ბანკისა“ და „თიბისი ბანკის“ ბარათებითაა შესაძლებელი. გათვალისწინებულია საშეღავათო პაკეტი სტუდენტებისთვის, მგზავრობა უფასოა შშმ პირებისთვის.