სოზარ სუბარი - სოციალური ქსელები დიდ აუდიტორიას მოიცავს და ფართო გავლენის მქონეა - ძალიან კარგი იქნება ამ სფეროში რეგულირებაზეც დავიწყოთ მუშაობა
სოციალური ქსელები დღეს ყველაზე დიდ აუდიტორიას მოიცავს და ყველაზე ფართო გავლენის მქონეა და ძალიან კარგი იქნება, ამ სფეროში რეგულირებაზეც დავიწყოთ მუშაობა, - ამის შესახებ „ხალხის ძალის“ დეპუტატმა, სოზარ სუბარმა „მაუწყებლობის შესახებ“ კანონში დაგეგმილი ცვლილებების განხილვისას პლენარულ სხდომაზე განაცხადა.
სუბარის თქმით, აღნიშნულ საკითხზე მუშაობის დაწყება საჭიროა, რათა დაცული იყოს ადამიანის ღირსება და დასჯადი იყოს შეურაცხყოფა.
მისივე თქმით, სოციალურ ქსელებს საზოგადოებრივ აზრზე გაცილებით მეტი გავლენის მოხდენა შეუძლია, ვიდრე ტელევიზიასა და რადიოს.
„დღეს, საზოგადოებრივ აზრზე ტელევიზიაზე, რადიოზე გაცილებით მეტი გავლენა შეიძლება მოახდინოს სოციალურ ქსელებში გავრცელებულმა ინფორმაციამ. სოცქსელები დღეს ყველაზე დიდ აუდიტორიას მოიცავს და ყველაზე ფართო გავლენის მქონეა და ძალიან კარგი იქნება, ამ სფეროში რეგულირებაზეც დავიწყოთ მუშაობა, რომ ადამიანის ღირსება, პირადი ცხოვრება იყოს დაცული, რომ შეურაცხყოფა იყოს დასჯადი", - განაცხადა სოზარ სუბარმა.
ცნობისთვის, „ქართული ოცნება“ „მაუწყებლობის შესახებ” კანონში ცვლილებების შეტანას გეგმავს, რომლის მიხედვითაც დადგინდება მედიის ობიექტურობა და ჟურნალისტური სტანდარტები.
v-if="article.gallery" v-html="article.gallery"
