მადლობელი ვარ ემანუელ მაკრონის მკაფიო ხედვისთვის და მშვიდობის მისაღწევად ჩვენი ერთობლივი ძალისხმევისთვის. მშვიდობა უნდა იყოს რეალური და არა მხოლოდ სიტყვა - ის არ შეიძლება ნიშნავდეს უკრაინის კაპიტულაციას ან დაშლას, - ამის შესახებ უკრაინის პრეზიდენტი, ვოლოდიმირ ზელენსკი სოციალურ პლატფორმა X-ზე წერს.

მისი თქმით, მშვიდობა უნდა იყოს სამართლიანი, საიმედო და ხანგრძლივი და ამის მიღწევა შესაძლებელია მხოლოდ ძლიერი და ხანგრძლივი უსაფრთხოების გარანტიებით - უკრაინისთვის, ევროპისა და მთელი მსოფლიოსთვის.

„ჩვენ ღრმად ვაფასებთ ყველას ხელმძღვანელობას და ძალისხმევას, ვინც მხარს უჭერს უკრაინას და აძლიერებს ევროპის თავდაცვის შესაძლებლობებს. მოუთმენლად ველით ერთობლივ მუშაობას უახლოეს დღეებში მშვიდობისკენ მიმავალ ნაბიჯებზე“, - წერს ზელენსკი.