რუსეთის პრეზიდენტმა ვლადიმერ პუტინმა აშშ-ში რუსეთის ელჩად ალექსანდრე დარჩიევი დანიშნა, - ამის შესახებ ინფორმაციას რუსული მედია პუტინის განკარგულებაზე დაყრდნობით ავრცელებს.

„დაინიშნოს ალექსანდრე დარჩიევი რუსეთის ფედერაციის საგანგებო და სრულუფლებიან ელჩად ამერიკის შეერთებულ შტატებში და ვაშინგტონში ამერიკის სახელმწიფოთა ორგანიზაციაში რუსეთის ფედერაციის მუდმივ დამკვირვებლად“, - ნათქვამია ვლადიმერ პუტინის განკარგულებაში.

ალექსანდრე დარჩიევი 2014-2021 წლებში კანადაში რუსეთის ელჩი იყო, 2021-2025 წლებში რუსეთის საგარეო საქმეთა სამინისტროს ჩრდილოეთ ამერიკის დეპარტამენტის დირექტორის თანამდებობას იკავებდა, ხოლო 2025 წლის იანვრიდან რუსეთის საგარეო საქმეთა სამინისტროს ჩრდილოატლანტიკური დეპარტამენტის დირექტორია.

ცნობისთვის, აშშ-ში რუსეთის ყოფილმა ელჩმა, ანატოლი ანტონოვმა თანამდებობა გასული წლის ოქტომბერში, უფლებამოსილების ვადის ამოწურვის შემდეგ დატოვა.