რუსეთმა უკრაინის ენერგეტიკულ და გაზის ინფრასტრუქტურაზე, 7 მარტის ღამეს, მასიური სარაკეტო და დრონებით შეტევა განახორციელა, - ამის შესახებ უკრაინის ენერგეტიკის მინისტრმა, ჰერმან გალუშჩენკომ განაცხადა.

მინისტრის თქმით, თავდასხმა ქვეყნის სხვადასხვა რეგიონში ელექტროენერგიის წარმოების სიმძლავრის განადგურებას ისახავს მიზნად. დაბომბვის შედეგად დაზიანდა ელექტროენერგიისა და გაზის მიწოდების ობიექტები.

„უკრაინის სხვადასხვა რეგიონში ენერგო და გაზის ინფრასტრუქტურა კვლავ მასიური სარაკეტო და დრონით თავდასხმის ქვეშაა. შეძლებისდაგვარად, მაშველები და ენერგეტიკოსები მუშაობენ შედეგების აღმოსაფხვრელად. ყველა საჭირო ღონისძიება ტარდება ელექტროენერგიისა და გაზის მიწოდების სტაბილიზაციისთვის“, - აღნიშნა მინისტრმა.

გალუშჩენკომ უკრაინელებს თავშესაფრებში დარჩენისკენ მოუწოდა.