„პროტესტის მე-100 დღე“, - ამ ლოზუნგით ბათუმში საპროტესტო აქცია-მსვლელობა გაიმართა. მოქალაქეები თავდაპირველად,

ტრადიციულად საქართველოს საკონსტიტუციო სასამართლოსთან შეიკრიბნენ.

მათი განცხადებით, 100 დღეა ხელისუფლებას მოუწოდებენ, რომ ქვეყანაში საპარლამენტო არჩევნები ხელახლა ჩაატაროს. აქციის მონაწილეებს მიაჩნიათ, რომ არჩევნები გაყალბდა.

მათ ასევე, სხვადასხვა აქციის დროს დაკავებული პირების გათავისუფლება მოითხოვეს. შეკრებილების განცხადებით, პროევროპულ აქციებზე მოქალაქეებს უკანონოდ აკავებდნენ.

აქცია-მსვლელობისას პერიოდულად ისმოდა შეძახილები „არა რუსულ მთავრობას”.