რუსულმა ძალებმა, 9 მარტის ღამეს, უკრაინის ტერიტორიას 119 უპილოტო საფრენი აპარატით შეუტიეს, უკრაინელებმა 73 მათგანი ჩამოაგდეს, - ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

მათივე ინფორმაციით, 37 დრონი დაკარგულად გამოცხადდა.

რუსებმა დრონები რუსეთის ორიოლის, მილეროვოს, კურსკის, ბრიანსკისა და პრიმორსკო-ახტარსკის ტერიტორიებიდან და ოკუპირებული ყირიმიდან გაუშვეს.

დრონების ჩამოგდება დადასტურდა ხარკოვის, პოლტავას, სუმის, ჩერნიგოვის, ჩერკასის, კიევის, კიროვოგრადის, ჟიტომირის, ხმელნიცკის, დნიპროპეტროვსკის, ზაპოროჟიესა და მიკოლაივის ოლქებში.