მოსკოვის ოლქზე დრონებით ყველაზე მასშტაბური თავდასხმა არის სიგნალი რუსეთის პრეზიდენტ ვლადიმერ პუტინისთვის ჰაერში ცეცხლის შეწყვეტის აუცილებლობასთან დაკავშირებით, - ამის შესახებ უკრაინის ეროვნული უსაფრთხოებისა და თავდაცვის საბჭოს დეზინფორმაციის წინააღმდეგ ბრძოლის ცენტრის ხელმძღვანელმა, ანდრეი კოვალენკომ განაცხადა.

„სიტუაცია საუდის არაბეთში მოლაპარაკებების ფონზეა. თავდასხმა არის მასიური, ისტორიაში ყველაზე დიდი თავდასხმა მოსკოვის ოლქზე. ეს არის დამატებითი სიგნალი პუტინისთვის, რომ ის ასევე უნდა იყოს დაინტერესებული ჰაერიდან ცეცხლის შეწყვეტით. დრონებს შეუძლიათ არა მარტო ნავთობგადამამუშავებელ ქარხნებზე, არამედ მოსკოვის გარშემო მუდმივად ფრენაც", - აღნიშნა კოვალენკომ.

შეგახსენებთ, რუსეთის თავდაცვის სამინისტროს ცნობით, ქვეყნის ტერიტორიაზე 337 უკრაინული უპილოტო საფრენი აპარატი ჩამოაგდეს, მათ შორის 91 მოსკოვის ოლქის თავზე. რუსული მხარის ინფორმაციით, ამ დროისთვის არსებული მონაცემებით, თავდასხმას სამი ადამიანი ემსხვერპლა, 18 კი - დაშავდა.