სახალხო დამცველის აპარატს 5 წლის ვადით ხელახლა მიენიჭა „A“ სტატუსი. ამის შესახებ ინფორმაციას სახალხო დამცველის აპარატი ავრცელებს.

როგორც გავრცელებულ ინფორმაციაშია ნათქვამი, ადამიანის უფლებათა ეროვნული ინსტიტუტების გლობალური ალიანსის გენერალურ ასამბლეაზე მიღებული სერტიფიკატი ადასტურებს სახალხო დამცველის აპარატის სრულ შესაბამისობას გაერო-ს პარიზის პრინციპებით დადგენილ მოთხოვნებთან.

“2025 წლის 11 მარტს შვეიცარიის ქალაქ ჟენევაში გამართულ ადამიანის უფლებათა ეროვნული ინსტიტუტების გლობალური ალიანსის (GANHRI) გენერალურ ასამბლეაზე საქართველოს სახალხო დამცველს ხელახალი აკრედიტაციის სერტიფიკატი გადაეცა, რომელიც ადასტურებს სახალხო დამცველის აპარატის სრულ შესაბამისობას გაეროს პარიზის პრინციპებით დადგენილ მოთხოვნებთან.

შედეგად, სახალხო დამცველის აპარატს 5 წლის ვადით ხელახლა მიენიჭა „A“ სტატუსი", - აღნიშნულია ინფორმაციაში.