პუტინი იტყუება ბრძოლის ველზე არსებულ ვითარებაზე, იტყუება დანაკარგებზე, იტყუება მისი ეკონომიკის მდგომარეობაზე, - ამის შესახებ უკრაინის პრეზიდენტი, ვოლოდიმირ ზელენსკი პლატფორმა X-ზე წერს.

მისი თქმით, პუტინი ეცდება ყველა დაუსრულებელ დისკუსიებში ჩაითრიოს.

„პუტინი იტყუება ბრძოლის ველზე არსებულ რეალურ ვითარებაზე, იტყუება დანაკარგებზე, იტყუება მისი ეკონომიკის მდგომარეობაზე, რომელიც დაზიანდა მისი სულელური იმპერიალისტური ამბიციებით. ის ყველაფერს აკეთებს, რათა დიპლომატია ჩავარდეს.

პუტინს არ შეუძლია ამ ომიდან გასვლა, ვინაიდან ის არაფრით დარჩება. სწორედ ამიტომ ის ყველაფერს აკეთებს, რათა დიპლომატიის საბოტაჟი მოახდინოს უკიდურესად რთული და მიუღებელი პირობებით თავიდანვე, ცეცხლის შეწყვეტამდეც კი.

პუტინი ეცდება ყველა დაუსრულებელ დისკუსიებში ჩაითრიოს, როგორც „მინსკის“ დროს გააკეთა, როდესაც დღეებს, კვირებსა და თვეებს ატარებდა უაზრო საუბრებში, მაშინ როდესაც მისი იარაღი ადამიანების მკვლელობას აგრძელებდა. ყოველი პირობა, რომელსაც პუტინი აყენებს, არის უბრალოდ ნებისმიერი დიპლომატიის დაბლოკვის მცდელობა. ასე მუშაობს რუსეთი და ამის შესახებ გაფრთხილებებს ვავრცელებდით“, - წერს ზელენსკი.