რას ითხოვს უნგრელი ხალხი ბრიუსელისგან? - ვითხოვთ ერების ევროპას - ვითხოვთ კავშირს, მაგრამ უკრაინის გარეშე, - ამის შესახებ უნგრეთის პრემიერ-მინისტრი, ვიქტორ ორბანი სოციალურ პლატფორმა X-ზე წერს.

უნგრეთის პრემიერ-მინისტრმა, ვიქტორ ორბანმა ბრიუსელის მიმართ მოთხოვნების სია გამოაქვეყნა.

„რას ითხოვს უნგრელი ხალხი ბრიუსელისგან? დაე, მშვიდობა, თავისუფლება და ერთობა იყოს. 1. ვითხოვთ ერების ევროპას. 2. ვითხოვთ კანონის წინაშე თანასწორობას ყველა წევრი სახელმწიფოსთვის. 3. ვითხოვთ უკანონოდ ჩამორთმეული უფლებამოსილებების აღდგენას. 4. ეროვნული სუვერენიტეტი და ძლიერი ვეტო ეროვნული მთავრობებისთვის. 5. კომისიიდან სოროსის აგენტების გარიცხვა და პარლამენტიდან კორუმპირებული ლობისტების განდევნა. 6. ნუ დააგირავებთ ჩვენი შვილიშვილების მომავალს, აღმოფხვერით კავშირის ვალი. 7. ხელს ნუ შეუშლით ეროვნულ გვარდიას საზღვრის დაცვაში, აღარ მიიღოთ მიგრანტები და გააძევეთ ისინი, ვინც უკანონოდ არიან. 8. კორუმპირებული დოლარები და ევროები წევრ ქვეყნებში არ უნდა შევიდეს. 9. აკრძალეთ ჩვენი შვილების არაბუნებრივი ხელახალი სწავლება. 10. დაიცავით ევროპის ქრისტიანული მემკვიდრეობა. 11. ჩვენ ევროპაში მშვიდობას ვითხოვთ. 12. კავშირი, მაგრამ უკრაინის გარეშე“, - წერს უნგრეთის პრემიერ-მინისტრი.