მარჯანიშვილის მოედანზე „MEGOBARI აქტის“ მხარდამჭერი აქცია მიმდინარეობს - იგეგმება მსვლელობა რუსთაველის გამზირისკენ
მარჯანიშვილის მოედანზე „MEGOBARI აქტის“ მხარდამჭერი აქცია მიმდინარეობს, რომელიც შემდგომ მსვლელობით რუსთაველის გამზირზე გადაინაცვლებს.
როგორც აქციის ერთ-ერთი ორგანიზატორი ნინო ევგენიძე აღნიშნავს, მარჯანიშვილის მოედანზე საზოგადოების შეკრება სიმბოლურ ხასიათს ატარებს, რომელიც საქართველოსა და აშშ-ს შორის 35-წლიან მეგობრობას ადასტურებს.
ამასთან, ევგენიძის შეფასებით, აშშ-ს წვლილი, რომ საქართველო ვითარდებოდა, იზრდებოდა და ყალიბდებოდა ძალიან დიდია.
როგორც ის აღნიშნავს, „MEGOBARI აქტის“ მიღება საქართველოს მოსახლეობისთვის მნიშვნელოვანია.
„ვფიქრობ, რომ ეს შეკრება სიმბოლურ ხასიათს ატარებს, რადგან ამით დადასტურდება 35-წლიანი მეგობრობა და პარტნიორობა, რომელიც საქართველოსა და აშშ-ს აკავშირებს. მათი წვლილი, რომ საქართველო ვითარდებოდა, იზრდებოდა და ყალიბდებოდა ძალიან დიდია. ამიტომ სენატში დაგეგმილი განხილვა, კიდევ ერთხელ ცხადყოფს მრავალწლიანი მხარდაჭერის გაგრძელებას ; ასევე ხაზგასმაა, თუ რამდენად მნიშვნელოვანია საქართველო აშშ-სთვის. ამ აქტის მიღება საქართველოს მოსახლეობისთვის მნიშვნელოვანია",- განაცხადა ნინო ევგენიძემ.
