საქართველოს ნაკრები სომხეთს 2:0 უგებს
"ერთა ლიგის" "პლეი ოფის" განმეორებით მატჩში საქართველოს ეროვნული ნაკრები სომხეთს ორქულიანი უპირატესობით უგებს. შეხვედრის მე-14 წუთზე სომხეთის ნაკრების კარში გოლი გიორგი მიქაუტაძემ გაიტანა.
მანამდე, ანგარიში ოთარ კიტეიშვილმა შეხვედრის მეოთხე წუთზე გახსნა.
მატჩი "დინამო არენაზე” მიმდინარეობს.
საქართველოს გუნდის ძირითადი შემადგენლობა ასეთია: მამარდაშვილი, კაკაბაძე, გოგლიჩიძე, კაშია, წიტაიშვილი, ქოჩორაშვილი, მექვაბიშვილი, კიტეიშვილი, ჩაკვეტაძე, კვარაცხელია, მიქაუტაძე.
პირველ მატჩში საქართველოს ნაკრებმა სომხეთი ერევანში 0:3 დაამარცხა.
საქართველოს საფეხბურთო ნაკრები სომხეთთან ორმატჩიანი "პლეი ოფის" მოგების შემდეგ უეფა-ს "ერთა ლიგის" B დივიზიონში ადგილს შეინარჩუნებს. ივნისში ამხანაგური მატჩები შედგება, სექტემბრიდან კი მსოფლიო ჩემპიონატის შესარჩევ ეტაპზე ჩაერთვება.
v-if="article.gallery" v-html="article.gallery"
