ისრაელის თავდაცვის მინისტრის, ისრაელ კაცის განცხადებით, თუ ისრაელის ჩრდილოეთ თემებში მშვიდობა არ იქნება, მშვიდობა არ იქნება არც ლიბანის დედაქალაქ ბეირუთში.

„ლიბანის მთავრობას პირდაპირ პასუხისმგებლობა ეკისრება გალილეაზე თავდასხმაზე. ჩვენ უზრუნველვყოფთ გალილეას მაცხოვრებლების უსაფრთხოებას და ვიმოქმედებთ ძლიერად ნებისმიერი საფრთხის წინააღმდეგ“, - აღნიშნა ისრაელის თავდაცვის მინისტრმა.

ისრაელ კაცმა ეს განცხადება მას შემდეგ გააკეთა, რაც ლიბანის დედაქალაქიდან ჩრდილოეთ ისრაელის მიმართულებით ორი რაკეტა გაისროლეს. ისრაელის თავდაცვის ძალების ცნობით, ერთი რაკეტა მოიგერიეს, მეორე კი ლიბანის ტერიტორიაზე ჩამოვარდა.