ბათუმში, საქართველოს საკონსტიტუციო სასამართლოსთან მოქალაქეები აქცია - პერფორმანსს მართავენ. მათი განცხადებით, აღნიშნული ფორმით მოსამართლე მერაბ ტურავას „გაცილებას უწყობენ". როგორც ისინი ამბობენ, საკონსტიტუციო სასამართლოს თავმჯდომარეს უფლებამოსილება დღეს ეწურება.

„უნდა იცოდნენ, რომ საქართველო ცივილურ სამყაროს მაინც არ ჩამოშორდება. ქვეყანას არ დავუთმობთ. აქ ვართ და რეჟიმის მოსამართლეს ვაცილებთ, რომელიც კრემლის მსახურია. მერაბ ტურავას ბოლო სამუშაო დღეა, მას გაცილების ფურშეტს უწყობენ. აუცილებლად ყველანი გასამართლდება”, - აღნიშნეს აქციის მონაწილეებმა.