რუსულმა ძალებმა 29 მარტის ღამეს უკრაინას Shahed-ისა და სხვა ტიპის 172 დრონით შეუტიეს, - ამის შესახებ ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.

მათივე ცნობით, საჰაერო თავდაცვამ ქვეყნის ჩრდილოეთ და ცენტრალურ ოლქებში 94 დრონი ჩამოაგდო.

საჰაერო ძალებში აცხადებენ, რომ რუსების მიერ გაშვებული 69 დრონი-იმიტატორი ლოკაციურად დაიკარგა, უარყოფითი შედეგების გარეშე.

რუსეთის თავდასხმის შედეგად დნეპროპეტროვსკის, ხარკოვისა და სუმის ოლქები დაზარალდა.