ქართველმა მოზარდებმა ჭადრაკში, მსოფლიოს სასკოლო ჩემპიონატზე წარმატებით იასპარეზეს.

ჭადრაკის ფედერაციის ცნობით, მსოფლიო სასკოლო პირველობა U07-U17 ასაკობრივ კატეგორიებში სერბეთის ვრნიაჩკა-ბანიაში დასრულდა.

მათივე ინფორმაციით, ჩემპიონატი შვეიცარიული სისტემით 9 ტურად ჩატარდა და მასში 43 ქვეყნის 470 მოჭადრაკე ასპარეზობდა.

„ჩემპიონატის დასაწყისიდანვე ლიდერთა შორის იყვნენ და საპრიზო სამეულისთვის იბრძოდნენ: ანასტასია კირთაძე და ერეკლე ტაბატაძე.

საბოლოოდ, ორივე მათგანმა დაძაბულ ბრძოლაში ვერცხლის მედალი მოიპოვა საკუთარ ასაკობრივ კატეგორიებში.

ერეკლემ - 15 წლის ჭაბუკთა შორის, ხოლო ანასტასიამ - 17 წლამდე გოგონათა შორის.

მსოფლიო სასკოლო ჩემპიონატზე საქართველო 43 ქვეყანას შორის VI ადგილზე გავიდა.

ჩემპიონატზე საქართველოს სახელით მონაწილეობდნენ:

U17 ანასტასია კირთაძე- 7 ქულა;

U15 ერეკლე ტაბატაძე - 7 ქულა;

U15 ბარბარე აშოთია - 5 ქულა;

U13 ნინო ლიპარტია - 4,5 ქულა;

U13 ლუკა ქუნთელია - 5,5 ქულა;

U11 სარა სალთხუციშვილი -5 ქულა;

U11 გიორგი წულაია - 5,5 ქულა;

U09 სოფია ლიმარი - 4,5 ქულა;

U09 ანდრია ყუბანეიშვილი - 4,5 ქულა.

მსოფლიო ჩემპიონატზე საქართველოს ჭადრაკის ფედერაციის მოზარდთა ნაკრების მხარდამჭერები გახლდნენ: საქართველოს სპორტის სამინისტრო და „პაშა ბანკი“,-აღნიშნულია ინფორმაციაში.