სალომე ზურაბიშვილი - კრემლი საქართველოს ხელმძღვანელობას რეგულარულად აქებს, საგარეო და შიდა პოლიტიკური კურსიც შეიცვალა - რუსეთს ზეწოლის გარკვეული ინსტრუმენტები აქვს და ბიძინა ივანიშვილი ერთ-ერთია

ქვეყანაში რუსული პროპაგანდა მნიშვნელოვან გავლენას იძენს და ბოლო 2-3 წლის განმავლობაში კრემლი საქართველოს ხელმძღვანელობას რეგულარულად აქებს, - ამის შესახებ საქართველოს მეხუთე პრეზიდენტმა, სალომე ზურაბიშვილმა დიდი ბრიტანეთის პარლამენტის საგარეო საქმეთა კომიტეტში გამართულ მოსმენაზე განაცხადა.

სალომე ზურაბიშვილმა უპასუხა კითხვას იმის შესახებ, თუ როგორ შეიცვალა პარტია „ქართული ოცნება“ ბოლო 13 წლის განმავლობაში.

„ვიტყოდი, რომ ბოლო 13 წელი არა, რადგან როდესაც 2012 წელს ხელისუფლებაში მოვიდნენ, ისინი მათი პროგრამის შესაბამისად იქცეოდნენ. მათი პროგრამა კი საქართველოს ევროატლანტიკური გზის გაგრძელება იყო. სწორედ ეს მმართველი პარტია იყო, რომელმაც 2018 წელს მუხლი მიიღო, რომელშიც ნათქვამია, რომ საქართველოში ყველა ინსტიტუტმა ქვეყნის ევროპულ კურსს მხარი უნდა დაუჭიროს და ეს საერთო მიზნად იქცა საქართველოში მოქმედი ყველა ძალისთვის. ეს არის მუხლი, რომელიც იმპიჩმენტის დროს მოვიხმე. ნათელია, რომ ცვლილება იყო, რომელიც დაახლოებით 2021 წლიდან დაიწყო. „ქართულმა ოცნებამ“ ძალაუფლების განმტკიცება, მედიისა და სასამართლო სისტემის შეზღუდვა დაიწყო. ეს ნელი პროცესი იყო, რომელიც უკრაინაში ომის დროს გაძლიერდა და დაიწყო პირდაპირი ანტიევროპული და ანტიდასავლური რიტორიკა. განცხადებები იმის შესახებ, რომ საქართველო სანქციებს არ შეუერთდებოდა და პარტნიორები საქართველოში მეორე ფრონტის გახსნას გეგმავდნენ“, - განაცხადა სალომე ზურაბიშვილმა.

კითხვაზე, რატომ მოხდა ასეთი ცვლილება, სალომე ზურაბიშვილმა აღნიშნა, რომ „შეიძლება პროევროპულობა ზედაპირული იყო“.

„შეიძლება პროევროპულობა ზედაპირული იყო და ეს მისაღები იყო, სანამ გამოწვევები გაჩნდებოდა. როგორც კი გამოწვევები გაჩნდა, რუსეთმა ზეწოლის განხორციელება დაიწყო იმ ადამიანებზე, რომელთა წინააღმდეგაც რუსეთს ზეწოლის გარკვეული ინსტრუმენტები აქვს და ბიძინა ივანიშვილი ერთ-ერთია. ქვეყანაში რუსული პროპაგანდა მნიშვნელოვან გავლენას იძენს და ბოლო 2-3 წლის განმავლობაში კრემლი საქართველოს ხელმძღვანელობას რეგულარულად აქებს. საგარეო პოლიტიკური და შიდა პოლიტიკური კურსიც შეიცვალა“, - აღნიშნა საქართველოს მეხუთე პრეზიდენტმა.

მირიან მირიანაშვილი - თუ რუსეთმა აშშ-თან უკრაინაში ომის დასრულების შეთანხმება ვერ დადო, ანუ, თუ სი ძინ პინი „ვერ გადააგდო“, მაშინ საქართველო რუსეთის გავლენის სფეროში ვერ აღმოჩნდება
ქართული პრესის მიმოხილვა 17.04.2025
„ვისოლი“ ციფრული ტრანსფორმაციის ახალ ეტაპზე გადადის
Touch Plarform-ის ორგანიზებით, თბილისში რიგით მეორე საერთაშორისო ციფრული დიზაინ ფესტივალი Touch RGB გაიმართება
სილქნეტის აქცია: თემატური სპორტული პაკეტები დამატებითი გადასახადის გარეშე
საბანკო ასოციაციის რჩევები კიბერუსაფრთხოებისთვის დღესასწაულების წინ
კახა ოქრიაშვილი „ქართულ ოცნებაზე“ - იმედია, მათი ქაოტური, 180-გრადუსიანი ტრიალი ყველა მიმართულებით უფსკრულში არ გადაგვჩეხავს!
როგორ ხდება უძრავი ქონების საინვესტიციოდ შეფასება?
„ამბასადორი აილენდ ბათუმი” ინოვაციურ პროექტს და საქართველოს განსაკუთრებულ საინვესტიციო პოტენციალს დუბაის უძრავი ქონების საერთაშორისო გამოფენაზე წარადგენს
26 აპრილი „არქიში“ დიდი ფასდაკლების დღეა