უნგრეთმა გადაწყვიტა დატოვოს სისხლის სამართლის საერთაშორისო სასამართლო, რადგან თვლის, რომ ის ბოლო წლებში პოლიტიკურ სასამართლოდ გადაიქცა, ბოლო წლებში ის არის არა კანონის უზენაესობის პრინციპზე დაფუძნებული სასამართლო, არამედ პოლიტიკური სასამართლო, - ამის შესახებ უნგრეთის პრემიერ-მინისტრმა, ვიქტორ ორბანმა ისრაელის პრემიერ-მინისტრ ბენიამინ ნეთანიაჰუსთან ერთობლივ პრესკონფერენციაზე განაცხადა.

მისი თქმით, ეს ყველაზე კარგად გამოჩნდა იმ გადაწყვეტილებაში, რაც სასამართლომ ისრაელთან დაკავშირებით მიიღო.

„მე ვიყავი პრემიერ-მინისტრი, რომელმაც, ფაქტობრივად, ხელი მოვაწერე სისხლის სამართლის საერთაშორისო სასამართლოსთან ჩვენი მიერთების დოკუმენტს 2000 წელს და მე ახლახან მოვაწერე ხელი დოკუმენტს სასამართლოდან გასვლის შესახებ, რადგან უნგრეთმა და უნგრეთის მთავრობამ გადაწყვიტეს, რომ ჩვენ დავტოვებთ სისხლის სამართლის საერთაშორისო სასამართლოს. მიზეზი ის არის, რომ დარწმუნებული ვართ, ის პოლიტიკურ სასამართლოდ გადაიქცა. ბოლო წლებში ის არის არა კანონის უზენაესობის პრინციპზე დაფუძნებული სასამართლო, არამედ პოლიტიკური სასამართლო. ეს ყველაზე ნათლად ისრაელთან დაკავშირებულმა გადაწყვეტილებებმა აჩვენა“, - აღნიშნა ორბანმა.

მისი თქმით, უნგრეთის საგარეო საქმეთა მინისტრმა შესაბამისი კანონპროექტი პარლამენტს უკვე წარუდგინა.