სალომე ზურაბიშვილი არის ოპოზიციის ლიდერი - რაც ოპოზიციაა, ის ლიდერი. „ფერი ფერსა, მადლი ღმერთსა“, - ამის შესახებ პარლამენტის თავმჯდომარემ, შალვა პაპუაშვილმა ჟურნალისტებთან განაცხადა.

მისი თქმით, „რასაც ხედავთ სალომე ზურაბიშვილში, ესაა ზუსტად ოპოზიციის სარკე“.

„თქვენ მკითხეთ, რატომ არ არის სალომე ზურაბიშვილი ოპოზიციის ლიდერი. როგორ არ არის?! სალომე ზურაბიშვილი არის ოპოზიციის ლიდერი. რაც ოპოზიციაა, ის ლიდერია. ასეთი ოპოზიციაა. რასაც ხედავთ სალომე ზურაბიშვილში, ესაა ზუსტად ოპოზიციის სარკე. ნათქვამია, „ფერი ფერსა, მადლი ღმერთსა“ - რაც ოპოზიციაა, ის ლიდერი. სალომე ზურაბიშვილის როლი ოპოზიციაში არის ის, რომ საზოგადოებას დაანახოს, რა არის ოპოზიცია. მისი სახით ჩვენ გვაქვს ოპოზიციის სარკე ყველაფერში, როგორც მისი რიტორიკით, ისე მისი ქვეყნის მიმართ მტრობით და ტყუილებით,“ - განაცხადა პაპუაშვილმა.