პარლამენტში საკანონმდებლო წინადადება შევიდა, რომელიც „ლგბტ მარშების და შესაბამისი ფერადი ნივთების“ აკრძალვას ითვალისწინებს
პარლამენტის თავმჯდომარის, შალვა პაპუაშვილის განცხადებით, საკანონმდებლო ორგანოში „ლგბტ მარშების და შესაბამისი ფერადი ნივთების აკრძალვის შესახებ“ საკანონმდებლო წინადადება შევიდა, რომელიც განსახილველად ადამიანის უფლებათა კომიტეტს გადაეცემა. აღნიშნულის შესახებ პაპუაშვილმა ბიუროს სხდომაზე განაცხადა.
„არის საკანონმდებლო წინადადება ლგბტ მარშებისა და შესაბამისი ფერადი ნივთების აკრძალვის შესახებ, რომელიც [განსახილველად] ადამიანის უფლებათა კომიტეტს გადაეცემა“, - განაცხადა პაპუაშვილმა.
