მოსამართლის ბრძანებით, დონალდ ტრამპის ადმინისტრაციამ სალვადორში შეცდომით დეპორტირებული მამაკაცი აშშ-ში უნდა დააბრუნოს, - ამის შესახებ ინფორმაციას სააგენტო Reuters-ი ავრცელებს.

ფედერალურმა მოსამართლემ, პაულა ქსინისმა აშშ-ის პრეზიდენტის, დონალდ ტრამპის ადმინისტრაციას მერილენდის შტატიდან შეცდომით დეპორტირებული კილმარ აბრეგო გარსიას აშშ-ში დაბრუნებისთვის დრო 7 აპრილამდე მისცა.

თეთრ სახლში განაცხადეს, რომ გარსიას სალვადორში დეპორტაციის მიზეზი ადმინისტრაციული შეცდომა იყო, მაგრამ აღნიშნეს, რომ მის დასაბრუნებლად აშშ-ს სამართლებრივი უფლებამოსილება არ აქვს.

ადვოკატის ცნობით, სალვადორის მოქალაქე აბრიგო გარსიას ეროვნული უსაფრთხოების დეპარტამენტის მიერ გაცემული აშშ-ში ლეგალურად მუშაობის ნებართვა აქვს.

ფედერალური მოსამართლის გადაწყვეტილება აშშ-ის იუსტიციის დეპარტამენტმა გაასაჩივრა და განაცხადა, რომ სალვადორულ ტერორისტულ ორგანიზაცია MS-13-თან კავშირის ბრალდებით დაკავებულ და დეპორტირებულ გარსიას აშშ-ში ყოფნის კანონიერი უფლება არ აქვს.