კოალიცია „ძლიერი საქართველოს“ ზუგდიდის ორგანიზაციას 40 ახალი წევრი შეემატა.

როგორც ზუგდიდის ორგანიზაციის თავმჯდომარემ განაცხადა, იმ პერიოდში, როდესაც ქვეყნის დამოუკიდებლობისა და თავისუფლებისთვის ბრძოლა მიმდინარეობს, პარტიის ახალი და პროფესიონალი კადრებით ზრდა მნიშვნელოვანია.

„ბოლო ერთი კვირის განმავლობაში, "ძლიერი საქართველოს" ზუგდიდის რაიონულ ორგანიზაციას 40 ახალი წევრი შეემატა, რაც ჩვენთვის ძალიან მნიშვნელოვანია. ასევე წევრობის მსურველი კანდიდატებიც გვყავს. იმ ადამიანებს კი, რომლებსაც ჩვენთან გაწევრიანება სურთ, შეუძლიათ მოვიდნენ ოფისში, ან სოციალურ ქსელში დაგვიკავშირდნენ. ამ პროცესში, როდესაც ყველაზე მნიშვნელოვანი ბრძოლა მიმდინარეობს საქართველოს დამოუკიდებლობისა და თავისუფლებისთვის, კვალიფიციური კადრებით პარტიის გაძლიერება მნიშვნელოვანია“, - განაცხადა ზუგდიდის ორგანიზაციის თავმჯდომარე, გიორგი თოდუამ.

ცნობისთვის, კოალიცია „ძლიერი საქართველოს“ ცენტრალურ ოფისში პარტიის ლიდერები, რეგიონულ წარმომადგენლებთან სამუშაო შეხვედრა მიმდინარეობს, რომელსაც საქართველოს ყველა რეგიონიდან 100-მდე წარმომადგენელი ესწრება.

სამუშაო შეხვედრაზე რეგიონებში არსებულ პრობლემებზე, სამომავლო გეგმებსა და ახალ საპარლამენტო არჩევნების საკითხებზე მსჯელობენ.