დღეს საქართველო დამოუკიდებლობის აღდგენას დღესასწაულობს - 1991 წლის 9 აპრილს საქართველოს პარლამენტმა ხელი მოაწერა საქართველოს დამოუკიდებლობის აღდგენის აქტს,- ამის შესახებ რელიგიის საკითხთა სახელმწიფო სააგენტოს მიერ გავრცელებულ განცხადებაშია აღნიშნული.

„1989 წლის 9 აპრილიდან 1991 წლის 9 აპრილამდე საქართველომ შეცვალა 70 წლიანი კომუნისტური მმართველობა და 1921 წლის ოკუპაციისა და ანექსიის შემდგომ დაკარგული დამოუკიდებლობა აღიდგინა.

დღესვე აღინიშნება საქართველოს თავისუფლებისა და ერთიანობისთვის დაღუპულთა მოხსენიების დღე.

მარადიული ხსოვნა სამშობლოსთვის თავდადებულ გმირებს!“, - აღნიშნულია განცხადებაში.