დონალდ ტრამპს ესმის, რომ უკრაინის კონფლიქტის მოგვარება მხოლოდ მისი ძირეული მიზეზების აღმოფხვრით შეიძლება, - ამის შესახებ რუსეთის საგარეო საქმეთა მინისტრმა, სერგეი ლავროვმა ანტალიის დიპლომატიურ ფორუმზე გამოსვლისას განაცხადა.

„პრობლემის გადაჭრისა და მდგრადი მშვიდობის მიღწევის ერთადერთი გზა კონფლიქტის ძირეული მიზეზების აღმოფხვრაა. პრეზიდენტი ტრამპი პირველი და ჯერჯერობით ერთადერთი დასავლელი ლიდერია, რომელმაც არაერთხელ განაცხადა, რომ უკრაინის ნატო-სკენ ჩათრევა შეცდომა იყო. ეს არის ერთ-ერთი ძირეული მიზეზი, რომელიც ჩვენ არაერთხელ აღვნიშნეთ“, - განაცხადა ლავროვმა.

მისი თქმით, აშშ-ს ტერიტორიული საკითხების გადაწყვეტის აუცილებლობა ესმის.

„ისინი აღიარებენ, რომ ტერიტორიული საკითხები გრძელვადიანი მოგვარების კონტექსტში უნდა გადაწყდეს“, - აღნიშნა რუსეთის საგარეო საქმეთა მინისტრმა.