„თავისუფლება მზიას“, - ამ ლოზუნგით აჭარის პოლიციის მთავარ სამმართველოსთან, ჟურნალისტები საპროტესტო აქცია-პერფორმანს მართავენ. გამოცემა „ბათუმელების“ ჟურნალისტებმა, აჭარის პოლიციის მთავარ სამმართველოსთან სიმბოლურად მედიკამენტები მიიტანეს.
„ირაკლი დგებუაძეს ტკივილგამაყუჩებელი მოვუტანეთ, რომელსაც ჟურნალისტის სილა ეტკინა. მას არ აქვს უხერხულობის განცდა, ამბობს, რომ სტკივა. ცხადია ეს არის ირონია, თუ ამას ვერ ხვდება.
მას არაერთი ადამიანი ძალადობაში ადანაშაულებს. აქ წამლები ვერ უშველის, დარწმუნებული ვართ, მისი პასუხისმგებლობის საკითხი დადგება“, - აცხადებენ შეკრებილები.
