ქართული ენის დღეს გილოცავთ! - გულწრფელად მჯერა, რომ ის თავდადება ისევ ცოცხალია ჩვენში და ახლა, როცა საბჭოთა ნარჩენები ქვეყანას გვართმევენ, ისევ ისეთი სიმტკიცით დავდგებით ერთად, როგორც 47 წლის წინ! - ასე ეხმაურება „ლელო - ძლიერი საქართველოსთვის“ ლიდერი მამუკა ხაზარაძე 14 აპრილს - დედაენის დღის თარიღს.

„ენასთან დაკავშირებით კონსტიტუციის საწინააღმდეგოდ დემონსტრაციას ვმართავთ - გაგვიმართლებს, თუ არ გვესვრიან" - ეს შეტყობინება New York Times-ის მოსკოვის ბიუროში 1978 წლის 14 აპრილს შევიდა.

ოთხ დღეში ავტორიტეტულმა ამერიკულმა გამოცემამ გამოაქვეყნა მეორე სტატია, სახელწოდებით - "საბჭოთა ქართველებმა გაიმარჯვეს ენის საკითხზე".

47 წლის წინ ქართული ენის დასაცავად ქუჩაში გამოსულმა ქართველმა სტუდენტებმა იმდენი შეძლეს, რომ მსოფლიო მათ გამარჯვებაზე აალაპარაკეს!

ეს მართლაც დიდი გამარჯვება იყო - საბჭოთა საქართველოში ქართულ ენას კონსტიტუციაში სახელმწიფო ენის სტატუსი შეუნარჩუნდა!

ქართული ენის დღეს გილოცავთ!

გულწრფელად მჯერა, რომ ის თავდადება ისევ ცოცხალია ჩვენში და ახლა, როცა საბჭოთა ნარჩენები ქვეყანას გვართმევენ, ისევ ისეთი სიმტკიცით დავდგებით ერთად, როგორც 47 წლის წინ!

მჯერა, რომ ქართველების გამარჯვებაზე მსოფლიო პრესა კიდევ არაერთხელ დაწერს!“, - წერს ხაზარაძე სოციალურ ქსელში.