მინდა გითხრათ, გამოძიებას, დევნას დაიწყებენ თუ არა, ჩემთვის არავითარი მნიშვნელობა არა აქვს - ვარ იქ, სადაც ვარ და ვაკეთებ იმ საქმეს, რასაც ვაკეთებდი! - ამის შესახებ გიორგი გახარიამ ჟურნალისტებს საპარლამენტო საგამოძიებო კომისიის სხდომის დასრულების შემდეგ განუცხადა.

როგორც გახარიამ აღნიშნა, პარლამენტის საგამოძიებო კომისია არის ჩვეულებრივი ჰიბრიდული ინსტრუმენტი საქართველოს მოქალაქეებზე ფსიქოლოგიური, ემოციური და ინფორმაციული ზემოქმედებისთვის.

“მაშინ როცა ქვეყნის საყრდენი გმირების - ანწუხელიძის გმირობის გაუფასურებას ცდილობენ, არ შემეძლო აქ არ მოვსულიყავი“, - დასძინა მან.

პარლამენტის საგამოძიებო კომისიის წევრებმა გიორგი გახარიას კითხვები 2019 წლის 20 ივნისი საპროტესტო აქციის დაშლაზე, სოფელ ჩორჩანის მიდამოებში ქართული პოლიციის საგუშაგოს გახსნასა და პრემიერი-მინისტრის თანამდებობიდან გადადგომის გადაწყვეტილების მიზეზებზე დაუსვეს.