უკრაინის რადამ ქვეყანაში საომარი მდგომარეობისა და საყოველთაო მობილიზაციის 90 დღით გახანგრძლივებას მხარი დაუჭირა, - ამის შესახებ ინფორმაციას უკრაინული მედია ავრცელებს.

უკრაინაში საომარი მდგომარეობის გახანგრძლივებას მხარი 357-მა დეპუტატმა დაუჭირა.

საომარი მდგომარეობა 9 მაისიდან 6 აგვისტომდე გაგრძელდება.

საომარი მდგომარეობისა და საყოველთაო მობილიზაციის ვადის გაგრძელების შესახებ კანონპროექტის წინააღმდეგ ხმა ერთმა დეპუტატმა, ოლექსი გონჩარენკომ მისცა.

ახლა კანონპროექტს ხელი უკრაინის პრეზიდენტმა, ვოლოდიმირ ზელენსკიმ უნდა მოაწეროს.