აჭარის მთავრობის სახლთან საპროტესტო აქცია განახლდა.

მოქალაქეები აცხადებენ, რომ სოლიდარობას უცხადებენ სხვადასხვა აქციის დროს დაკავებულებს და მათ გათავისუფლებას ითხოვენ.

აქციის მონაწილეების განცხადებით, “ქართული ოცნება” ყველა მეთოდით ცდილობს, რომ „საქართველო ცივილურ სამყაროს ჩამოაშოროს და იზოლაციაში“ მოაქციოს.

ბათუმში, მოქალაქეები საპროტესტო აქციას უკვე 146-ე დღეა მართავენ. მათი მოთხოვნაა, ხელახლა ჩატარდეს საპარლამენტო არჩევნები, სამართლიან გარემოში. მათ მიაჩნიათ, რომ ხელისუფლებამ საპარლამენტო არჩევნები გააყალბა.