მიხეილ ყაველაშვილი რომში იმყოფება და 26 აპრილს ვატიკანში პაპ ფრანცისკეს დაკრძალვის ცერემონიას დაესწრება
მიხეილ ყაველაშვილი, დელეგაციასთან ერთად, რომში იმყოფება. ინფორმაციას მიხეილ ყაველაშვილის პრესსამსახური ავრცელებს.
ამავე ცნობებით, თვითმფრინავი "ჩამპინოს" სამხედრო აეროპორტში უკვე დაეშვა, სადაც დახვედრის ცერემონია გაიმართა.
მიხეილ ყაველაშვილი 26 აპრილს, ვატიკანში რომის პაპ ფრანცისკეს დაკრძალვის ცერემონიას დაესწრება.
დელეგაციაში იმყოფებიან საქართველოს საგარეო საქმეთა მინისტრი მაკა ბოჭორიშვილი, ადმინისტრაციის უფროსი ქეთევან კვინიკაძე, ზუგდიდისა და ცაიშის ეპარქიის მმართველი, საქართველოს საპატრიარქოს საგარეო ურთიერთობების განყოფილების თავმჯდომარე, მიტროპოლიტი გერასიმე და თბილისის სასულიერო აკადემიისა და სემინარიის რექტორი, სიონის საკათედრო ტაძრის წინამძღვრის მოადგილე, პროტოპრესვიტერი გიორგი ზვიადაძე.
