წალენჯიხის მუნიციპალიტეტს ბრიტანეთის ელჩი გარეტ უორდი, რუმინეთის ელჩი რაზვან როტუნდუსი და დანიის ლტოლვილთა საბჭოს წარმომადგენელი მზევი ჯოჯუა ესტუმრნენ.

ამის შესახებ ინფორმაციას პარტია „ლელო - ძლიერი საქართველო“ ავრცელებს.

მათი ცნობით, შეხვედრა, „არტ მეურნეობის“ სივრცეში შედგა და სტუმრებს წალენჯიხის მერის მოვალეობის შემსრულებელი ვანო ბურდული და ვიცე მერი თამარ ბელქანია შეხვდნენ.

„შეხვედრის ფარგლებში სტუმრებმა წალენჯიხის 35 ბაღს საჩუქრები გადასცეს.

ბრიტანეთის ელჩმა განაცხადა, რომ ის წალენჯიხაში საოკუპაციო, გამყოფ ხაზზე მხარს უჭერს ქვეყნის ტერიტორიული მთლიანობის აღდგენასა და მის ევროპულ ორიენტირებს. რუმინეთის ელჩმა ხაზი გაუსვა, რომ მნიშვნელოვანია ტერიტორიული მთლიანობა და ევროპის თანამეგობრობის მხარდაჭერა.

პროექტი, რომელიც შეაჯამა დანიის ლტოლვილთა საბჭომ, ბრიტანეთის საელჩოს მხარდაჭერით, გულისხმობს სწორედ აფხაზეთსა და სამეგრელო/წალენჯიხაში დიალოგს, დიალოგს ადგილობრივ ხელისუფლებას, არასამთავრობო სექტორსა და ხალხს შორის. სწორედ დიალოგის ფორმაა ეკონომიკური დოვლათის შექმნის საწინდარი და განათლების სისტემის მხარდაჭერა, ასევე სკოლამდელ დაწესებულებებში პედაგოგთა მხარდაჭერა ტრენინგ სემინარებით“,- ნათქვამია ინფორმაციაში.