„ქართულ ოცნებას“, ივანიშვილის რუსულ რეჟიმს და მას დაქვემდებარებულ ცენტრალურ საარჩევნო კომისიას მოუწია უმნიშვნელოვანესი, უმძიმესი დანაშაულის აღიარება. იმ ცვლილებებით, რომელსაც ცესკო წარმოადგენს, დღეს ივანიშვილი და მისი რეჟიმი აღიარებს, რომ დარღვეული იყო კონსტიტუციური, მთავარი უფლება, რაც გულისხმობს საკუთარ თავში საარჩევნო ხმის ფარულობას, - ამის შესახებ „ლელო - ძლიერი საქართველოს“ გენერალურმა მდივანმა, ირაკლი კუპრაძემ განაცხადა.

როგორც კუპრაძემ აღნიშნა, „ქართული ოცნება“ ამ არაღიარების პირობებში გაატარებს დამატებით ცვლილებებს, რაც არჩევნების ბათილად ცნობის მტკიცებულებაა.

„ქართულ ოცნებას“, ივანიშვილის რუსულ რეჟიმს და მას დაქვემდებარებულ ცენტრალურ საარჩევნო კომისიას მოუწია უმნიშვნელოვანესი, უმძიმესი დანაშაულის აღიარება. იმ ცვლილებებით, რომელსაც ცესკო წარმოადგენს, დღეს ივანიშვილი და მისი რეჟიმი აღიარებს, რომ დარღვეული იყო კონსტიტუციური მთავარი უფლება, რაც გულისხმობს საკუთარ თავში საარჩევნო ხმის ფარულობას. ეს უფლება დარღვეული იყო, ივანიშვილის რუსულმა რეჟიმმა ამ უფლების დარღვევა გამოიყენა ზეწოლისთვის, გაყალბებისთვის და მანიპულაციისთვის.

„ქართული ოცნება“ ამ აღიარების პირობებში გაატარებს დამატებით ცვლილებებს, რაც არჩევნების ბათილად ცნობის მტკიცებულებაა.

ჩვენ გავაგრძელებთ ბრძოლას, თითოეული მსგავსი აღიარება არის ბრძოლის შედეგი, წინააღმდეგობის, საერთაშორისო პარტნიორებისადმი მოწოდებული ინფორმაციის, ეუთო/ოდირისადმი, რომელმაც შესაბამისი რეკომენდაციები გასცა შესაბამისი მძიმე კონსტიტუციური დარღვევების შესახებ. ხელისუფლებას სხვა გზა არ დარჩა რეაგირება მოეხდინა ჩვენს წინააღმდეგობაზე, საერთაშორისო პარტნიორების რეკომენდაციაზე“,-აღნიშნა კუპრაძემ.

ცნობისთვის, ცენტრალურმა საარჩევნო კომისიამ დღეს განცხადება გაავრცელა, სადაც ნათქვამი იყო, რომ საარჩევნო ადმინისტრაციაზე თავდასხმის საბაბი ცესკო-ს გადაწყვეტილება გახდა, რომლის თანახმადაც, განხორციელდა სხვადასხვა საარჩევნო დოკუმენტაციის დიზაინის მოდიფიცირება, მათ შორის ხმის მთვლელი აპარატის ბიულეტენისთვის განკუთვნილი ჭრილისთვის საფარის დამატება. ცესკო-ს განცხადებით, გარკვეული პირები ცდილობენ, აღნიშნულის ინტერპრეტირებას „26 ოქტომბრის არჩევნებზე თითქოსდა არსებული დარღვევების აღიარებად“.

როგორც ცესკო-ში განმარტავენ, საარჩევნო დოკუმენტაციის დიზაინის მოდიფიცირებაზე ცესკო-ს გადაწყვეტილება ფარულობის დარღვევებზე ბრალდებების აღიარებას არ ნიშნავს.

ინფორმაციისთვის, ცნობისთვის, ცენტრალურმა საარჩევნო კომისიამ, 29 აპრილის სხდომაზე გამოსცა განკარგულება ადგილობრივი არჩევნებისთვის საარჩევნო ბიულეტენის ფორმის, სპეციალური ჩარჩო-კონვერტების, ასევე ძირითადი საარჩევნო ყუთისა და მასზე დამონტაჟებული ხმის დათვლის სპეციალური ელექტრონული აპარატის სახის დადგენის შესახებ.