აღმოსავლეთ ევროპის უნივერსიტეტის (EEU) პროფესორის დავით ბოსტოღანაშვილისა და თბილისის სახელმწიფო უნივერსიტეტის პროფესორის ნუგზარ სურგულაძის ავტორობით ახალი სახელმძღვანელო „რომის სამართლის საფუძვლები“ გამოიცა, რომლის პრეზენტაცია აღმოსავლეთ ევროპის უნივერისტეტის ბიბლიოთეკაში გაიმართა.

სახელმძღვანელო განკუთვნილია სამართლის საბაკალავრო საგანმანათლებლო პროგრამის სტუდენტებისათვის, ასევე რომის სამართლით დაინტერესებული პირებისთვის.

ღონისძიება გახსნა უნივერსიტეტის რექტორმა, პროფესორმა კახაბერ ლაზარაშვილმა და ავტორებს სახელმძღვანელოს გამოცემა მიულოცა. სახელმძღვანელოს შესახებ ისაუბრეს უნივერსიტეტის ვიცე-რექტორმა, პროფესორმა ზვიად როგავამ, პროფესორმა ზუხრა მაცაბერიძემ, პროფესორმა დავით ჩერქეზიშვილმა და მოწვეულმა სტუმრებმა. გამომსვლელებმა ხაზი გაუსვევს მის პრაქტიკულ ღირებულებას როგორც დარგისთვის, ასევე ახალი გამოცემის მნიშვნელობას საუნივერსიტეტო საქმიანობისთვის.

სახელმძღვანელოს პრეზენტაციას აკადემიური და ადმინისტრაციული პერსონალი, სტუდენტები და მოწვეული სტუმრები ესწრებოდნენ.

(R)