აშშ-ის წარმომადგენელთა პალატამ დროულად მიიღო „MEGOBARI აქტი“ და ამით გამოხატა მხარდაჭერა და მეგობრობა ქართველი ხალხის მიმართ, - ამის შესახებ საქართველოს მეხუთე პრეზიდენტი, სალომე ზურაბიშვილი სოციალურ პლატფორმა X-ზე წერს.

„მადლობას გიხდით კონგრესმენო ჯო უილსონ და კონგრესმენო ბრაიან მასტ მკაფიო გზავნილებისა და მტკიცე პოზიციისთვის. გვჯერა, რომ ერთად მალე აღვადგენთ ჩვენს სტრატეგიულ პარტნიორობას“, - აცხადებს ზურაბიშვილი.

შეგახსენებთ, გუშინ აშშ-ის წარმომადგენელთა პალატამ მხარი დაუჭირა კანონპროექტს, სახელწოდებით - „საქართველოს ანგარიშვალდებულების, გამძლეობისა და დამოუკიდებლობის შესაძლებლობების გაძლიერებისა და მობილიზაციის აქტი“ (MEGOBARI), რომელიც ქართველი ხალხის მიმართ მხარდაჭერას გამოხატავს და სხვა საკითხებთან ერთად, აშშ-ის პრეზიდენტს სთხოვს, სანქციები დაუწესოს გარკვეულ პირებს, მათ შორის საქართველოს მთავრობის წარმომადგენლებს, რომლებიც ძირს უთხრიან საქართველოს უსაფრთხოებას ან სტაბილურობას.