„ქართული ოცნება“ ახალ თავმჯდომარეს დღეს აირჩევს
დღეს „ქართული ოცნების“ ყრილობა გაიმართება. მმართველი პარტია ახალ თავმჯდომარეს აირჩევს და პოლიტიკური საბჭოს განახლებულ შემადგენლობას დაამტკიცებს.
ამ ეტაპზე არ კონკრეტდება, ვინ იქნება წარდგენილი პარტიის თავმჯდომარის თანამდებობაზე.
„პოლიტიკური გაერთიანება „ქართული ოცნების“ ყრილობა ჩატარდება 7 მაისს, სადაც არჩეული იქნება პარტიის ახალი თავმჯდომარე. ასევე, ყრილობაზე დამტკიცდება პოლიტიკური საბჭოს განახლებული შემადგენლობა“, - აცხადებენ „ქართულ ოცნებაში“.
ცნობისთვის, „ქართული ოცნების“ თავმჯდომარე ირაკლი ღარიბაშვილმა პარტიის და პოლიტიკიდან წასვლის გადაწყვეტილება მიიღო. შესაბამისი განცხადება ღარიბაშვილმა 25 აპრილს გააკეთა.
