სიტყვიერი დაპირისპირება მოხდა ცოტა ხნის წინ საზოგადოებრივი მაუწყებლის ძველი შენობის ეზოდან წამოსული მარშის მონაწილეებსა და სამართალდამცველებს შორის, რომლებიც მოქალაქეებთან ერთად გადაადგილდებოდნენ და ცდილობდნენ, მათი გადაადგილება გარკვეული პერიმეტრის ფარგლებში უზრუნველყოთ.

დაპირისპირება სწორედ მაშინ დაიწყო, როდესაც მარშის მონაწილეებს მსვლელობის დროს გზაზე დიდი ბანერის გაშლა უნდოდათ, რაც გზის მოზრდილი პერიმეტრის დაკავებას მოითხოვდა, პოლიციამ კი ამის საშუალება არ მისცა.

„ძირს პოლიციური რეჟიმი“, „საკუთარი ხალხის მტერი არ დარჩება დაუსჯელი“, „ეთერი ხალხს, ეთერი ჩაგრულებს“, „თავისუფლება რეჟიმის ტყვეებს” - სკანდირებენ მარშის მონაწილეები.

„საზოგადოებრივი მაუწყებლის მცველების” მარში ევროპის დღესთან დაკავშირებულ მსვლელობას აწყობს და ევროპის მოედნისკენ მიემართება.

პარალელურად, დედაქალაქის სხვადასხვა წერტილიდან რამდენიმე მარში ერთდროულად მიმდინარეობს, რომლებიც, საბოლოოდ, ევროპის მოედანზე ერთმანეთს შეუერთდება.