პაკისტანი და ინდოეთი ცეცხლის დაუყოვნებლივ შეწყვეტის შესახებ შეთანხმდნენ, - ამის შესახებ განცხადებას პაკისტანის საგარეო საქმეთა მინისტრი, იშაქ დარი ავრცელებს.

პაკისტანის საგარეო საქმეთა მინისტრმა ცეცხლის შეწყვეტის მიღწევის შესახებ აშშ-ის პრეზიდენტის, დონალდ ტრამპის მიერ გავრცელებული ინფორმაცია დაადასტურა.

„პაკისტანი რეგიონში მშვიდობისა და უსაფრთხოებისთვის ყოველთვის ისწრაფვის, საკუთარი სუვერენიტეტისა და ტერიტორიული მთლიანობის დათმობის გარეშე!“, - აცხადებს პაკისტანის საგარეო საქმეთა მინისტრი.

შეგახსენებთ, ინდოეთსა და პაკისტანს შორის სრული და დაუყოვნებლივი ცეცხლის შეწყვეტის მიღწევის შესახებ აშშ-ის პრეზიდენტმა, დონალდ ტრამპმა გამოაცხადა. ტრამპის ცნობით, მხარეებს შორის მოლაპარაკებები აშშ-ის შუამავლობით წარიმართა.