აშშ-ის სახელმწიფო მდივანი მარკო რუბიო თურქეთში გაემგზავრება.

სახელმწიფო დეპარტამენტის ცნობით, რუბიო ანტალიაში 14-16 მაისს, ნატო-ს საგარეო საქმეთა მინისტრების არაფორმალურ შეხვედრას დაესწრება, რათა განიხილოს ალიანსის უსაფრთხოების პრიორიტეტები, მათ შორის მოკავშირეთა თავდაცვითი ინვესტიციების გაზრდა და რუსეთ-უკრაინის ომის დასრულების საკითხი.

აშშ-ს სახელმწიფო დეპარტამენტის თანახმად, მანამდე სახელმწიფო მდივანი მარკო რუბიო 11-14 მაისს პრეზიდენტ დონალდ ტრამპთან ერთად საუდის არაბეთსა და კატარში ჩავა.