პაატა დავითაია - ირაკლი ოქრუაშვილის დაკავება არის სახიფათო პრეცედენტი, ხელისუფლების ქმედებები მკვეთრად გააუარესებს ურთიერთობებს პარტნიორებთან
ირაკლი ოქრუაშვილის დაკავება სასამართლო დარბაზში და მისთვის დაკისრებული გირაოს პატიმრობით შეცვლა არის სახიფათო პრეცედენტი, რაც კიდევ უფრო დააზიანებს ქვეყნის იმიჯს და გამოიწვევს ქვეყნის დემოკრატიულ უკუსვლას, - ამის შესახებ პარტია „ევროპელი დემოკრატების" თავმჯდომარემ პაატა დავითაიამ განაცხადა.
მისი თქმით, ირაკლი ოქრუაშვილის მიმართ „შესაძლებელი იყო არ გატარებულიყო ასეთი მკაცრი ღონისძიება“.
„ეს პრეცედენტი შეფასდება როგორც პოლიტიკური ოპონენტის დევნა, დემოკრატიის უკუსვლა და მკვეთრად გააუარესებს ურთიერთობას პარტნიორებთან, რაც მძიმე მდგომარეობაში ჩააგდებს ქვეყანას”, - აცხადებს პაატა დავითაია, რომლის კომენტარსაც პარტიის პრესსამსახური ავრცელებს.
