ევროკომისიის პრეზიდენტის ურსულა ფონ დერ ლაიენის განცხადებით, მიმდინარე კვირა გადამწყვეტი იქნება უკრაინის წინააღმდეგ რუსეთის ომის დასრულების პირობების შესაქმნელად.

„ჩვენ გვაერთიანებს ის, რომ სამართლიანი და ხანგრძლივი მშვიდობა გვსურს. ვიცი, რამდენად აქტიურად ხართ ჩართული ამ ომის დასრულებაში და ამისთვის მადლობას გიხდით. ახლა ნამდვილად მნიშვნელოვანია, რომ ყველაფერი წინ წავიწიოთ და ვფიქრობ, რომ მომდევნო კვირა ამ მხრივ გადამწყვეტი იქნება“, - განაცხადა ევროკომისიის პრეზიდენტმა იტალიის პრემიერ-მინისტრ ჯორჯია მელონისა და აშშ-ის ვიცე-პრეზიდენტ ჯეი დი ვენსთან სამმხრივი შეხვედრის დაწყებისას.

შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ 19 მაისს რუსეთისა და უკრაინის პრეზიდენტებთან, ვლადიმერ პუტინთან და ვოლოდიმირ ზელენსკისთან სატელეფონო საუბრებს გამართავს.