ჰუმანიტარული დახმარების ხელმძღვანელის, ტომ ფლეტჩერის განცხადებით, ჰუმანიტარული დახმარების ის რაოდენობა, რისი შეტანის საშუალებასაც ისრაელი ღაზაში იძლევა, საკმარისი არ არის.

ფლეტჩერმა განაცხადა, რომ გუშინ ღაზას სექტორში დახმარების ხუთი სატვირთო მანქანა შევიდა, თუმცა ეს „ზღვაში წვეთი“ და მოსახლეობის საჭიროებებისთვის სრულიად არასაკმარისია.

მისი თქმით, ბავშვთა საკვებით დატვირთული დახმარების სატვირთო მანქანები მშვიდობიან მოსახლეობამდე ვერ აღწევენ, რადგან საზღვრის მეორე მხარეს არიან.

ფლეტჩერმა განაცხადა, რომ თუ დახმარება მოსახლეობამდე დროულად არ მიაღწევს, შესაძლოა, 48 საათში 14 000 ჩვილი დაიღუპოს.

“მინდა, რომ მომდევნო 48 საათში რაც შეიძლება მეტი 14 000 ჩვილი გადავარჩინო”, - განუცხადა მან BBC-ს.

როდესაც ჰკითხეს, თუ როგორ დაადგინა გაერომ ეს რიცხვი, მან უპასუხა: „ჩვენ გვყავს ძლიერი ჯგუფები ადგილზე, ბევრი ადამიანი გვყავს ადგილზე - ისინი სამედიცინო ცენტრებში, სკოლებში იმყოფებიან და ცდილობენ საჭიროებების შეფასებას“.a