რუსეთის საჰაერო თავდაცვის ძალებმა ქვეყნის რეგიონებში 127 უკრაინული დრონი გაანადგურეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

უწყების ცნობით, ყველაზე მეტი - 41 დრონი - ბრიანსკის ოლქში ჩამოაგდეს.

ამასთან, 37 დრონი გაანადგურეს ორიოლის ოლქში, 31 - კურსკში, 6 - მოსკოვის ოლქში, 5 - ვლადიმირში, 3 - რიაზანში, თითო-თითო კი - ბელგოროდის, ტულას და კალუგას ოლქებში.

რუსეთის თავდაცვის სამინისტროს ცნობით, კიდევ ერთი დრონი შავი ზღვის თავზე ჩამოაგდეს.