რუსული მხარის ინფორმაციით, მოსკოვზე დრონებით შეტევა განხორციელდა და „დომოდედოვოსა“ და „ჟუკოვსკის“ აეროპორტებში შეზღუდვები დაწესდა
მოსკოვის მერის, სერგეი სობიანინის განცხადებით, საჰაერო თავდაცვამ 26 დრონი გაანადგურა, რომლებიც დედაქალაქის მიმართულებით მიფრინავდნენ, - ინფორმაციას რუსული მედია ავრცელებს.
სობიანინის განცხადებით, დრონების ნამსხვრევების ჩამოვარდნის ადგილზე შესაბამისი სამსახურები მუშაობენ.
ამასთან, რუსული მედია „როსავიაციაზე“ დაყრდნობით იუწყება, რომ „დომოდედოვოსა“ და „ჟუკოვსკის“ აეროპორტებში თვითმფრინავების ჩამოსვლასა და გამგზავრებაზე დროებითი შეზღუდვები დაწესდა.
