საქართველოში შვედეთის ელჩი - შვედეთი საქართველოში განვითარებული მოვლენებით შეშფოთებულია, მათ შორის ზურაბ ჯაფარიძის დაკავებით - მსგავსი ქმედებები ევროკავშირის ღირებულებებს არ შეესაბამება
შვედეთი საქართველოში განვითარებული მოვლენებით შეშფოთებულია, - ამის შესახებ საქართველოში შვედეთის ელჩი, ანა ლიბერგი X-ზე წერს.
„შვედეთი საქართველოში განვითარებული მოვლენებით შეშფოთებულია, ოპოზიციაზე ზეწოლის გაძლიერებით, მათ შორის ოპოზიციის ლიდერების, როგორიცაა ზურაბ ჯაფარიძე, დაკავებით და რეპრესიული კანონების მიღებით, რომლებიც დემოკრატიას საფრთხეს უქმნის. მსგავსი ქმედებები ევროკავშირის ღირებულებებს არ შეესაბამება“, - წერს საქართველოში შვედეთის ელჩი.
