კულტურის სფეროს წარმომადგენლები აქცია-მსვლელობას მართავენ. მსახიობები, თეატრისა და კინოს რეჟისორები, მწერლები და მუსიკოსები ფილარმონიასთან შეიკრიბნენ, საიდანაც მსვლელობით პარლამენტის შენობისკენ მიემართებიან.

აქციას ასევე შეუერთდნენ პატიმრების მშობლები.

აქციის მონაწილეებმა გაშალეს ახალ წელს, რუსთაველის გამზირზე პროტესტის დროს გაშლილი მაგიდის სუფრა, რომელზეც დატოვებულია პროტესტზე მყოფი მოქალაქეების წარწერები - “ არ გავჩერდეთ”, “საით მივდივართ? ევროპაში”! “რუსული რეჟიმის საბოლოო დასასრული საქართველოში და გამარჯვება!”, “ საქართველო პრორუსი ხელისუფლების გარეშე” .

გარდა საახალწლო სუფრისა, მათ უჭირავთ კიდევ ერთი ბანერი წარწერით -“მხოლოდ ეს პასუხი დაგვრჩა: ბრაზი, რისხვა და წინააღმდეგობა”.