რუსეთის საჰაერო თავდაცვის ძალებმა ქვეყნის შვიდ რეგიონში 99 უკრაინული დრონი ჩამოაგდეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

უწყების ცნობით, ყველაზე მეტი - 56 დრონი - ბელგოროდის ოლქში ჩამოაგდეს, 25 დრონი - ვორონეჟის ოლქში, 7 - ვლადიმირში, 5 - კალუგაში, ოთხი - ტულაში და თითო-თითო როსტოვსა და ლიპეცკში.

რუსული მედია „როსავიაციაზე“ დაყრდნობით იუწყება, რომ ნიჟნი ნოვგოროდის, სარატოვის, ტამბოვისა და კალუგას აეროპორტებში სამოქალაქო თვითმფრინავების ჩაფრენასა და გამგზავრებაზე შეზღუდვები დაწესდა.