რუსეთსა და უკრაინას შორის მოლაპარაკებების ახალი რაუნდის შესახებ ინფორმაცია მალე გახდება ცნობილი, - ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.

„სტამბოლში 16 მაისს გამართულ მოლაპარაკებებზე ჩვენ დისკრიმინაციული კანონების გაუქმება მოვითხოვეთ და ამას პირდაპირი მოლაპარაკებების მომდევნო რაუნდის დროსაც გავაგრძელებთ, რომელსაც ძალიან მალე გამოვაცხადებთ“, - განაცხადა სერგეი ლავროვმა.

მისი თქმით, მოლაპარაკებები ომზე უკეთესია, მაგრამ რუსეთის მოთხოვნები უკრაინის არაბირთვული და ნეიტრალური სტატუსის შესახებ უნდა დაკმაყოფილდეს.

„უკრაინის არაბირთვული და ნეიტრალური სტატუსის შესახებ რუსეთის მოთხოვნები ნებისმიერი მოგვარების ფარგლებში უნდა დაკმაყოფილდეს, როგორც ეს 2022 წლის აპრილში სტამბოლში გამართულ მოლაპარაკებებზე იყო გათვალისწინებული. მოლაპარაკებები ომზე უკეთესია, მაგრამ წარმატების მისაღწევად კონფლიქტის ძირეული მიზეზების აღმოფხვრაა აუცილებელი, რასაც რუსეთის პრეზიდენტმა ხაზი არაერთხელ გაუსვა“, - აღნიშნა ლავროვმა.