ვოლოდიმირ ზელენსკი გერმანიაში ჩავიდა, - ამის შესახებ ინფორმაციას Sky News-ი ავრცელებს.

Sky News-ის ცნობით, უკრაინის პრეზიდენტი, ვოლოდიმირ ზელენსკი გერმანიის კანცლერთან, ფრიდრიხ მერცთან უკრაინაში ომის დასრულების საკითხზე მოლაპარაკებებს გამართავს.

ამასთან, ფრიდრიხ მერცთან მოლაპარაკებების შემდეგ ვოლოდიმირ ზელენსკი გერმანიის პრეზიდენტ ფრანკ-ვალტერ შტაინმაიერს შეხვდება.

ცნობისთვის, მანამდე გამოცემა BILD-მა ინფორმაცია გაავრცელა, რომ 2 500 კილომეტრამდე მანძილზე მოქმედი ფრთოსანი რაკეტების დამოუკიდებელი შემუშავებისა და მასობრივი წარმოებისთვის გერმანიის მთავრობა უკრაინის სამხედრო ინდუსტრიისთვის მილიონობით ევროს გამოყოფას გეგმავს.